HONE TUWHAREREN EZ OHIKO EGUZKIA

Hone Tuwhare Kaikohen jaio zen, Aotearoan, Zeelanda Berriko Iparraldean, Nga Puhi leinukoa izanik haren Herriaren tradizioak ongi ezagutu zituen txikitatik. Bere ama hil ondoren, aita Aucklandera joan zen, eta han lehen hezkuntzako eskolara joan zen. Maorieraz bakarrik hitz egiten zuen 9 urte izan arte, baina bere aitak, hizlari eta ipuin kontalari maoriarrak, idazketarekiko interesa piztu zion. Ingelesez idatzi zuen Maori kultura jatorrizko lehen poeta eta antzerkigilea izan zen eta1964an argitaratu zuen bere lehen poema-liburua, “No Ordinary Sun” izenburupean.

DENBORA ETA HAURRA

Zuhaitza, lurra eta zerua eguerdiko erritmoan.

eguzkiaren eta gizon zaharraren erritmoan

bidean herrenka.

Segika

eguzkiak itotako txirritarenaz

haur baten ahots zaratatsuaz:

Bazoaz, gizona?

Nora zoaz gizona, nora?

Agurea gorra da

haurraren ahotsari.

Bere makilak zulo sakonak

egiten ditu lurrean.

Begiak puntu urrun batean

eta sutan ditu

non bide guztiek

bat egiten baituten..

Haurrak bere jostailuak utzi ditu.

eta herrenarenak egiten du zaharraren atzetik

gizonari deika: gizon xelebrea

agure barregarri inuzentea

Goi-goian eguzkia ibili, badabil,

eta kukuluek eztanda eta distira egiten dute.